Dokke må ikkje gløyme "Hide Gard og Glasdesign".

Det er ikkje alltid ting går som ein planlegg.
Dei siste 10 månadane har ikkje gått i min favør.
Har vore sjukemeld, og er det fortsatt.
Eg har absolutt ikkje gitt opp her eg ligg på sofaen, eg skal bli bra.
Ting tek tid, men eg kjenner at eg byrjar å bli rastlaus no.

Heldigvis så har eg ei kreativ familie som kan trå til å hjelpe.
Eg har mange planar og idear, så får eg heller nytte meg av andre til å sette dei ut i livet.

Mykje spennande som kjem til å skje framover, så følg med.

Veronica

GODT NYTT ÅR.

Ynskjer alle mine vennar, bekjente og kundar eit godt nytt år.

Det er ganske så skrapa i glasbrakka, så her er det berre å brette opp armane å starte produksjonen.
I tida framover kjem eg ikkje til å ha faste opningstider, men har ope etter avtale.
Berre slå på tråden (mobil:900 97 342) eller send ein mail (verhide@tussa.com)

Vi arrangerer fortsatt hobbykveldar, utdrikkingslag og diverse kreative selskap. Ring for å avtale nærmare.

Hobbykveld kostar kr.300 per person, og då får alle lage kvar sin ting (oppheng eller lite fat). Minimum 4 personar, maksimum 10 (kan få plass til fleire med litt omorganisering).

Velkommen.

Veronica S Hide

JULEFERIE.

Då det begynner å bli veldig skrint utvalg i glasbrakka, tek eg rett og slett ferie.

YNSKJER ALLE EI GOD JUL OG EIT GODT NYTT ÅR.

Sjåast på nyåret.

Veronica S Hide

JULEMESSE I VIKE-PETTERLØDA.

Av ulike grunnar blir det kun 1 julemesse på meg i år.

Laurdag 12.11. blir eg å finne i "VIKE-PETTERLØDA" i Haugsbygda, nær Gursken kyrkje.

Mange gode glastilbud.

Eg har samla i hop ein del produkt som blir å finne i ei tilbudskasse.
Dette er ikkje feilvarer, men produkt som eg har få igjen av (restar).
Begrensa antall og svært gode rabattar.

Håper å sjå deg der.

Veronica S Hide

Ikkje slutta.

Eg har ikkje slutta å produsere glas, berre blogginga mi som går litt i rykk og napp.

Den 12 november skal eg vere med på ei julemesse i ei kjempe koseleg løde. Dette blir einaste messa eg deltek på i år, men eg lovar å kome sterkare tilbake neste år.
Driv å lagar litt juleting, men har vanskeleg for å kome i rette stemninga når gradestokken viser pluss 15 grader (men for all del, eg klagar ikkje).

Eg har mange spennande planar framover, men eg må holde dei hemmeleg til dei er heilt i "boks".
"Go for it".

Dersom du vil på hobbykveld før jul, ja då hastar det (dagane begynner å fyllast opp).
Ta med venninnegjengen, kollegaer eller andre og kom til Hide og prøv glasfusing.
Det kostar kroner 300 per person, og då får alle lage eit produkt kvar: lysfat eller oppheng.
No framover mot jul vil det bli serveret gløgg og pepparkaker.

Kanskje du vil ta julehandelen på Hide ?
Då er det berre å slå på tråden, og eg opnar etter avtale.
Eg kjem også til å ha ope nokre dagar i desember, kjem tilbake med meir informasjon seinare.

Veronica

Hemmeleg.

Produserer litt glas kvar dag.
I dag vart eg skikkeleg fornøygd då eg opna ovnen.
Eg hadde eit "prøveprosjekt" pågang- å jippi det vart akkurat slik eg hadde håpt og trudd.
Kan ikkje røpe det enno.
Litt hemmeligheiter må eg ha.
Røper det ikkje før på julemesse i løda til Brit og Arild den 12.11.

Veronica

FULL RULLE.

Her er det berre å stå på skal ein bli ferdig til jul.
Ovnane MÅ fyllast med glasprodukt kvar "bidige" dag.
Litt vanskeleg å kome i julemodus, så kanskje eg bør leite fram julemusikken for å få rett stemning.

I dag er eg i hjartemodus, og det blir produsert hjarter i mange variantar.

Lyst til å prøve glasfusing ?
Ta med venninner, klubben eller gode kollegaer og kom til Hide/Gjerdsvika på hobbykveld.
Det er hektiske tider, så her gjeld fyrst til mølla prinsippet.
Det kostar kroner 300 per person, og då får alle lage eit glasprodukt, lysfat eller oppheng. Dette er noko alle får til, og det er kjekt å vere kreativ i lag.
For meir informasjon og påmelding ta kontakt på mobil:900 97342 eller mail: verhide@tussa.com.

Kjekk gjeng som var på hobbykveld.

Ynskjer alle ein hjarteleg fin dag.

Veronica